72
Laksefiske i Nidelva ved Trondheim (arkivfoto).|Foto. Jarl Koksvik/Miljødirektoratet.
Ei vurdering av årets lakseinnsig så langt har no kommen. Miljødirektoratet vil neste veke gjere vedtak om det vidare laksefisket i sommar.
Frå 23. juni stengde Miljødirektoratet laksefisket i 33 elvar og i sjøen frå svenskegrensa i sør til og med Trøndelag, etter rapportar om svært lite laks så langt i år.
Vedtak klart i tidsrommet 8.-10. juli
No har Norsk institutt for naturforskning (NINA) levert eit notat til Miljødirektoratet, som samanfattar innsig, oppvandring og fangst av laks hittil i sesongen. Miljødirektoratet vil dei næraste dagane analysere notatet, og gjere vedtak om kvar det blir lov og ikkje å fiske laks vidare i sommar.
Notatet finner du HER.
Vedtaket kan ventast å vere klart i tidsrommet 8.-10. juli. Miljødirektoratet vil sende ut ei pressemelding når vedtaket er klart.
